好痛

上星期炒車後以為真係自已recover,但可能近期用力踩單車,右腳膝蓋又未完全好番...今早起身真係極痛

去左st lars health center 睇醫生,成906 kr, 加埋藥成 1000 kr @@ (希望保險claim番全數 la)
都只係俾左一種唔知羊藥甘大把...仲hea過hku d 醫生
醫生紙仲要一星期後先有得攞 ?!

無言...(但可能st lars少D人睇,D 護士終於俾我見醫生)

剪髮記

我是一個不能留長髮的女仔

很不喜歡用橡筋束頭髮的感覺,亦不喜歡頭髮黏住條頸,而且我唔想用甘多洗頭水同用風筒吹頭(唔環保ar)
因此我需要短髮,雖然我都不太喜歡剪髮,每次都懷著戰戰競競的心情入salon (真係3千煩惱絲,好煩!)

猶豫了很久(我的性格)終於決定今日係lund剪髮,為此我還專登係yahoo/google search"偷"薄的英文點講,話曬都是第一次唔係用廣東話同髮型師溝通

原本打算去的salon (flatmate recommend the cheapest in lund),個女髮型師放假,要下星期先回來,甘我米去第2間,都係貴10kr姐(唔係我介意俾男髮型師剪,而係佢好似唔幫女人剪)

去到間salon,等左一陣,輪到我,個女髮型師同我講瑞典文...心感不妙
心中極期望我用英文答番佢之後會同我講英文,點知佢都係笑+瑞典文 = ='''''''
但都坐左上去,只好頂硬上,幸好我save 左d相係手機,佢都好似明我想大約點剪

但我每次剪頭髮的指定動作 偷"薄thinning佢唔明ar !!而且我想D頭髮碎碎地,rather than齊叢叢,我唔要冬菇頭!!
後來佢要打電話搵翻譯+紙筆+手勢,先剪好
(btw,偷"薄瑞典文好似叫liter ?)

final個髮型都OK,好短好薄好爽,雖然條頸出街會覺得有D凍
不過係瑞典剪髮都幾貴,130 kr(係度算平),only cutting,唔包洗頭 (個髮型師只係一路剪一路噴水整濕D頭髮)

ps.回家時,有2個老婆婆用瑞典文問我路,而佢地係唔識英文lor
點解今日見到甘多唔識英文的瑞典人??

第2次malmo之旅

今早同Victoria 一齊搭火車去malmo
主要原因都係為左個Visa o羅

行左勁耐(其實都ok ge,不過佢位處的地方真係唔算centre,從附近有willy's supermarket這一點就可以知道)
去到簡直shocked,勁多人,要攞籌,我去到㩒曬A,B,C的飛 (因為全部都係瑞典文,唔明嘛!)
最快係C飛,但好明顯唔係for我la (去到counter,個staff問我swedish ID係羊,我鬼有羊)
B飛其實我都知唔係for我,我都識EU點解 (我覺得EU人去歐洲exchange真係方便好多,visa,insurance etc.煩少好多)
我只好排最長的C飛,我當時攞的係167號,係版上叫到係125號,勁灰...

我最初諗住只要放低$$同form就可以走人ka ma
好彩Victoria遇見她的朋友,一個Brazil女仔,好nice,大家chat下,又行去coop買lunch係草地上野餐,時間好快過(好好笑,今日victoria又repeat講佢點罵max的事,雖然真係好衰好衰,但我真係每次聽到,都好想笑,死啦,黎到瑞典,我好似黑心左添 :P)

anyway,Victoria真係bring me gd luck !之前send email去問話要process at least 3 months,但我去到等半個鐘就即刻又得攞個visa,雖然要俾1000 kr
可能我真係steal左brazil 女仔carol的luck,因為佢仲未搞得掂個visa,要黎多次,但我係靠佢個籌先去到counter (我個籌已經過左成8-9個號碼= =)

搞曬所有野已經成2點半,原本打算去choco factory,中國店的計劃都打消了(看來我又要來多次malmo)
跟victoria去了shopping mall,和找她的教堂,但最後都找不到
雖然花了很多時間在搵路上,但因為有太陽,有victoria,這一次malmo之旅都不錯
回程搭火車時碰見一個好nice的瑞典女仔,知道係瑞典做waitress有成125kr/hr !!!勁羨慕

旅行其實除了看風景,影到此一遊的相外,當中與友人一邊走,一邊談天說笑的感覺也很重要
我還記得我跟Victoria行下行下碰見一班瑞典飛仔大叫嚇我地,Victoria大叫嚇番佢地,真係好爆笑xd

搞掂visa,可以安心plan summer trip 了

死城&心涼

今日同昨天的天氣真係有天淵之別

今天天空灰暗暗的,還有陣陣冷風
原本不打算穿這麼多衫外出,但下樓後,真係好寒,要上樓攞番件褸
到公園逛逛的計劃都取消了
街上人很少 (比上星期天少了很多)
感覺lund一下子由夏天變回冬天

雖然如此,但今日都有一件好開心的事要同大家分享
victoria 同我講佢尋晚去party時遇到賣單車俾我條衰人
佢幫我串到佢無聲出 wow !! 周圍仲要有其他人 yeah !!
坦白講,雖然我先係受害者,但我真係無勇氣同能力(要用英文罵人@@)同o個個人嘈

佢部單車上星期仲好似被人偷左
雖然好衰甘,但我真係有D心涼 Haha :P

瑞典人同陽光玩遊戲

今日勁陽光普照,我當然唔會stay at home la, 要make use of my bike !!

出左去踩到唔知去邊,好開心!! (雖然比起瑞典人,我都踩得好慢,同有次都差點係馬路炒)

雖然都好熱同累

但瑞典人真係好似前世無見過陽光甘,係botanical garden 見到勁多人野餐,曬太陽,有D仲要唔著衫(上身je)踩踩下單車,仲迎面見到2個黑超瑞典人只著條短褲跑步 wow~~~

我都訓左係樹蔭下一陣 (我都怕怕地曬)
有微涼的風吹過,好舒服,好summer

另一件好開心的事係我又買衫la (好驚走時拖唔郁過0急)
一件衫加一件牛仔外套,估下幾$$



10 kr + 20 kr only !!!!!!
雖然係2nd hand,不過個款都ok
原本仲打算買多件針織外套(20 kr only),可惜我發現佢後面穿左窿,
但賣個人居然話可以5 kr 賣俾我 ooooooo
雖然係甘,我都無賣 (其實都有D後悔...買黎做毛巾都抵la)

發現原來瑞典都可以講價 :)

好熱 !!

其賁氣溫只不過是13度,係香港,大家都仲要著大褸
但係度,有D人已然要脫(都係上身,而且係男,不過我都好想睇 :P)

anyway,今日踩單車上堂時,真係勁熱 (仲要上斜)踩踩下都要除左頂冷帽
不過今日第一次自已踩番學,都驚驚地,好多traffic lights 同D 路真係好崎嶇不平,好震~~~~

但summer comes, so happy !! 我要訓草地 !!

4月1日

一個新的月份,亦是新的開始...所謂一年之計在於春

雖然太陽亦不是常常蒲頭,但總的來說天氣都好了
日照時間亦愈來愈長,今日回家時,8時多才日落
有些花兒亦開了,心情都好了

而且因為我隻眼瘀了,我今日出街戴了眼鏡(可以遮下嘛),發現看到平時看不見的事物,如教堂外面的花紋,行人的表情等,可以仔細地看清楚lund

今日難得要上2課,雖然都很睏,但感覺蠻充實(其賁我都幾犯賤,係hku上得多堂,又話好忙)
winsi仲教我日文,我的日文已經唔記曬lor :P

最後係我部單車個軑終於整直番,好多謝我個鄰居,好開心的一日愚人節

盼望春之來臨