Mother's Day

原本都打算一早起來打電話給媽媽,一開skype,見到表弟叫我,初時都以為好似平時甘係同佢地一家人video chat,點知見到阿媽!! 係我黎左呢度近4個月第一次見到媽媽的樣,之前都只是打電話聽聲!

好開心,但我部電腦又唔生性,搞左好耐阿媽個邊都睇唔到我的樣,好激氣+心急,最後要重新開機先得> <
阿媽好開心,終於見到我個樣,知道我剪短了頭髮(雖然因為剛剛起身,頭都未梳)

談了近一小時,好長呢(之前用skype打番屋企,因為都要計錢,都唔會傾好耐)
雖然話題都幾無聊,都係講下我在這裏的生活,食D羊甘,但好開心可以 video chat 對阿媽講母親節快樂,諗諗下甘多年係香港同阿媽一齊過母親節,都好似無親口對佢講母親節快樂...人果然是在異鄉倍思親

好多謝表弟一家(因為我屋企依家cut 左上網,同埋我阿爸阿媽都唔識上網@@)幫手讓阿媽收到最大最開心的母親節禮物---見到我的貓樣:P

ps.之後晚上去睇stella orchestra表演加一齊食飯當係幫stella 2 weeks euro trip餞行(黎到呢度,因為大家成日去旅行,常常要食飯餞行)

講講下,發現我地hku三個除左黎既時候係cph airport影過相,之後D相都係食飯相
其實main point係正常黎講,多數同一學校黎既都會一齊去下旅行,但我地3個係未lor!!
之前去kiruna trip,都係得我同stella

我地3個又唔係不和,但唔知點解就係無一齊去旅行(其實都有得解既,就係我地3個都有自已的plan,而大家係時間,地點上都無相匯的地方,甚至有相沖的地方)
不過,好似stella講,我地由香港搭黎lund近24小時的旅程都算係一齊旅行過
坦白講,黎lund exchange識的交心朋友唔多,最熟最可靠的都是來自同一間U

stella 26號番黎後,dick 31號就番香港,我地3個可以係lund一齊相聚的日子就只有27-30號呢幾日,我地仲未係lund的landmark前影過合照(其實連獨照都未...)最後一個月,真係要好好珍惜

cycling to lomma beach >20 km

今日都算係我踩單車日誌中值得紀念的一日,我踩單車由lund去到另一個鎮lomma的沙灘,來回起碼踩左20 km!!

去的時候,真係好辛苦,又大風,要迎風上斜> < (好討厭大風!!)
好彩返來的時候,D風變左係後面,好踩左
但由於我地無地圖,想去睇風箏(其實係滑水的傘)的地方,要搵路去,差點踩左去再隔離的鎮...我地又唔想/無可能踩沙灘= =

雖然個沙灘唔係好靚,我覺得D水仲好污濁tim
不過吹下海風都好ge(但過大law),仲離遠見到malmo 最高幢building同連接cph的大橋
瑞典人真係好悠閒,星期六一係family bbq (放D野係烤架上面個種),一係玩下滑水,一係全裸曬太陽
係,我地見到全裸伯伯!! 可惜後生既無全裸 (愈老愈open ??)

沿途的風景都好靚,見到一大片的小黃花,風車,田,甚至牛牛...好大自然

接客記

這星期有一個上年係暑期工識的朋友來我度寄宿~4日,坦白說開頭有點覺得麻煩,始終唔係話好熟,而且人地黎到,又怕接待不周
而事賁上因為我要上堂,呢幾日天氣又唔好,我都無羊點帶佢參觀,同埋我都唔係好熟lund,昨晚諗住帶佢去食瑞典菜,都搵唔到==

不過她今晚走,送佢去巴士站時,都有D唔捨得 (其實原本我應該去左pub,送唔到佢,但點知佢今日停開 > < 還有今日打算去買酒 (只係4%的果酒)都因為無帶passport唔肯賣俾我,但我今日忽然好想飲酒!!)

anyway,愈來愈多朋友返香港...我應該係最後一個返香港(7月13日)
唉,又要幫一個又一個farewell...最後又剩番我一人 (之前返summer job 同hku lib 又係甘...)
好唔鍾意呢種感覺 > <

lund的天氣

真係變幻無常,一早起來下雨兼勁大風(勁似8號風球甘,D樹被吹得左搖右擺,兼發出呼呼聲)
考慮左一陣,都決定踩單車出來,因為我真係唔想行:P (係,我現在連去附近netto supermarket 5 分鐘的路程,我都係踩單車!)

不過真係好辛苦,橫風橫雨...終於我都要放棄,踩到中途,我都把單車放在一旁,行路返學,但行都差D被風吹到= =

但到下午,天氣又好番D,太陽又出番黎...雖然都好大風@@

不知是我的心情本身是這樣,還是天氣影響我的心情,我的心情就如lund的天氣,變幻莫測...

being a waitress in nation

今日去左kalmar nation幫手煮晚餐同捧餐
雖然開頭要不斷切野,搞到隻右手好累加好悶,但之後捧餐都幾好玩,要記住D人的號碼,佢地都好好人,雖然我成日盲中中,記唔到D號碼,但佢地都無黑面,仲笑著講tack.可能我真係慣左做服務性行業,個刻真係好開心.

個boss又好好人, dinner之後仲叫我地拎走D焗薯同蛋糕.

計落真係好抵,做左約3小時(連洗野都不用),除左有餐晚飯食,之後仲有coupon可以免費食一餐

而且D野都易做D,又唔洗聽D好吵的音樂,仲可以同jihye同boss傾下,晚餐時段真係唔錯!

每次去完trip,都覺得lund是最好的

開始發現自已不太喜歡travl,我比較"痴"家 (好干物女)

今次其實都係去2日,仲要係好近的denmark,但第2日下午已經好累,好想返 lund (好搞笑,係由 helsingor去helsingborg的船上,我居然唔覺架船郁過,去到helsingborg仲以為係helsingor,差點唔記得下船)
helsingborg 我都係下次先去參觀...
同埋去trip,都係帶多件衫好,第2日真係有D寒

其實呢次 trip 都幾特別,首先我係買左around the sound 48 hrs ticket, 我原本係打算去helsingborg, 然後去 helsingor, 但我搭錯左火車,變左去完全相反的方向(我真係唔適合搭火車,之前去abisko又唔記得下車)...但算啦,我份人好隨遇而安兼flexible,甘米去左denmark先,之後先去sweden

去到cph center, 睇錶見就黎1130可以睇步操,米下車去睇,之後我行程都係見步行步...有時,我都唔知自已想點

見到danny, 又傾D好 deep 的topic----一個人去旅行

坦白說,一個人去旅行當然有好有唔好,係自由同寂寞的取捨
一個人可以自選行程,想去邊就去邊,但不能與身邊人即時分享感受
一個人點餐時只可以選一種,並要自已食曬(還記得去台灣時,要自已一個食曬成籠小籠包...)

anyway,一個人去旅行真是一個考驗,6月我終於再出發(其他人返曬香港時)我要be strong and tough !!

Valborg

一個香港沒有的節日
是迎接春天(但日間的天氣像是夏天...)的來臨
是傳說要放火嚇退妖魔鬼怪的日子

但最重要是飲酒狂歡!!
唉...瑞典人最大/唯一的娛樂可能就是飲酒

昨天一早去了citypark,史無前例甘多人,但其實大家只是坐在草地上曬太陽飲酒
坐了一會兒,我們就走了
因為實在是太悶了!

如果是平時閒日,人比較少還好
超碼還可以跟朋友在樹下談心聊天 (我比較怕曬,要躲在樹下)
但昨天音樂聲真是太吵,人又多,難道我要尖叫嗎?

可能真是文化差異,一邊曬日光浴,一邊飲啤酒這些事香港人都不是太習慣
我們都是比較喜歡在室內一邊食野一邊聊天(要用廣東話!!)

最後我們晚上都沒有去party,還是老樣子,煮飯仔迎接5月的第一天
但都好開心
大家談天說地
由TVB談到豬流感
談到大家都睜不開雙眼時,大家才回家

平淡但開心的春臨