只得我一人...別人歸家時,就是我旅程開始之時

來到Lund整整5個月,明天我就要離開 (雖然我7月會再回來拿行李,但都只會留一個早上,之後便要去機場)

今天算是我最後一天在Lund的日子
真是日月如梭

Blidvädersvägen 6D #1623 現在只剩下我一人,我的flatmates不是歸家,搬走,便是去了Conference...
好像我每次的last day都是只得我一人

原本我今晚便要飛去冰島,但前幾日係Stockholm收到email通知航班取消了(那一刻勁shocked)...搞搞下現在confirm明天下午飛,就是我原本打算book的那班,但因為一分鐘之後價錢貴左(又係甘la),所以無book這班.命運就是如此,所謂塞翁失馬,焉知非福.依家我唔洗訓機場了 :P

明天我就展開一個月的旅程
坦白講,除了買齊D機票,火車飛,我什麼都未plan,甚至冰島住都只是book了頭幾晚hostel
好刺激!!!

算la,經過5個月起起伏伏的exchange生涯,我都幾睇化
路行行下就出黎ka la
positive thinking !

好像昨天Lund下大雨,又勁大風,出街時連傘都開唔到,穿了Columbia,都成身濕曬,尤其是下身,條牛仔褲可以滴水
今早Long走時天空都灰暗暗 (令我想起arrival day)
但現在太陽終於出來了!!

希望明天及7月回來時都是好天氣
Give me a good last impression, Lund !

ps.我7月13日下午~3點先到香港
之後的一個月可能會不定期先有得上網
大家要保重(香港豬流感好似幾嚴重甘)

Stockholm + Moominworld 後感

近3個月後,我終於去遠D的地方旅行!! (我都算係一個幾唔正常的交流生 :P )

出發前,都有D緊張,話曬甘耐無出過遠門,又要煩拾行李
比上次好.今次夏天去,可以帶少D衫
但同上次一樣,未出發,就有重要的野無得用
我原本買左的neck cushion打算搭夜車時用,俾我pump氣時pump爆左,無得用 > <

去到Stockholm,連眼罩都唔見埋...
搞到返到黎lund要買過 (我之後仲要搭夜車)

不過好彩之後都順順利利~~

好搞笑,撞到日本人,Yamie & Aisha搭同一班車去stockholm但佢地真係醒/豪
因為唔想係malmo轉車等一個鐘,寧願自已俾$搭火車去malmo,唔洗好似我甘吹左一個鐘寒風> <
去到Stockholm,仲見到K-go tim
但見到到韓國人Jihye佢都應該個日去Stockholm
不過佢地可能見到日本人,佢地好似住同一間hostel (我book最平的 :P)

第二次去Stockholm,比起第一次只有一個下午逛舊城區,看的多了 (甚至去到Stockholm外圍的不知名地方)
還記得第一次去時,感到勁唔慣,因為太香港了 (係,個時係lund這個小鎮待久了(都係一個月),但忽然去到大城市,人勁多,行得勁快,真係好驚下)

但今次可能有心理準備,加上我都要開始習慣番大城市的生活節奏,如果唔係下個月番香港都唔知點算 :P

第一日去了勁多博物館,我覺得最好睇的絕對係Skansen open-air museum,勁多動物睇,而且佢地好自由,有D甚至無野隔住佢地同遊人,好natural

睇左瑞典民族舞同一D雜技表演,好好睇,而且可看出表演者係真心喜愛這份工,自已都玩埋一堆,真正係寓工作於娛樂

可惜我下午先去,而且真係好累 (前一天搭夜巴,真係無訓過甘滯)行左3個鐘就走了,但佢絕對係可以玩成日,我還有很多地方無去呢!

回到hostel,認識了一個韓國女仔 (佢訓我隔鄰),designer來,好勁!!佢辭左工,打算係歐洲玩42日!!!
唔知我將來有無勇氣甘做呢?

有趣地,佢的隔鄰係兩個香港女仔,再隔鄰好似都係亞洲人 (事實上,我係Stockholm成日聽到廣東話)
不過太累,我真係無羊mood搭訕,訓覺好過 :P

第二日海上之旅真係深深感受到Stockholm點解會有北歐威尼斯的美譽,不同的可能是威尼斯比較舊式,而Stockholm係modern and function,見到好多functional housing (Scandinavian design)係河岸兩邊

不過北歐人做野真係幾hea,我張Stockholm 1 日card明明寫前一日(唔記得擦左去改),D人都唔理 (我最後個日真係要擦左去改,用了3日,好抵!!)

第三日去了恨左去好耐的Moominworld,為左佢,我搞到要6月先黎Stockholm (佢6月6日先開)
唔可以講失望既,但真係唔係好適合我D大朋友玩
而且都係卡通片的史力奇cool D

後來還下起雨來,只好直接去Turku Harbour
搭Viking Line,明白點解even即日來回,佢D免費船飛都甘搶手,因為係船上玩都抵
有disco,pub,will,buffet,sauna,even cinema...
真係麗星遊輪甘款

最後又回到Stockholm,好天不再,下起雨來
但positive thinking,幸好頭兩天我已經去了不少地方
連換兵都看過了,第二次係雨中看到的不同了,都唔錯 :P

even後來巴士司機飛站,我都ok
去到一D意想不到的地方,見到傳說中平價超市
旅行有時就是需要一些冒險

總括而言,這次trip看到很多,算真係去過Stockholm,Sweden了
但無耐,我就要離開
向其他國度進發!

在lund的日子真的完結了?!

呢幾日大家談論的話題都是你考完試未同幾時走,大家都開始倒數在lund的日子

明天考完最後的瑞典文考試,後天就要開始收拾行李,因為星期六小妹又(終於)開始遠行,去stockhol+turku+姆明世界(重頭戲!!史力奇等我啊!!)

番黎後兩日後又要飛去iceland,7月又去norway

當大家歸家時,我仍然在歐洲遊遊蕩蕩,旅程才正式開始...

7月12日我仍要回lund拿行李,那時應該沒有很多人留在lund,不知7月的lund是怎樣,會不會更熱?

這幾天都沒有心情溫書,趁天氣好,我把握最後機會出去逛逛,走一些平時少行的路,看看不一樣的風景
食多D中東名菜falafel :P 因為我真係唔想煮 (唔係唔識la) 而且又唔想買食材 (多又驚食唔曬)
當然,我更要為大家的手信張羅(唉,買手信好辛苦,都唔知大家想要羊,而且我真係唔想行李超重,阿dick被人罰左成千幾蚊 @@, 如果番黎後,手信唔夠/唔岩心水,請多包涵 ! 因小妹揀D都係比較小巧的式,輕D麻)

今天回家經過公園時,忽然看到一個類似小朋友運動會的比賽在舉行,好多可愛的小朋友和大朋友 (佢地的父母為他們狂影相和吶喊助威的緊張樣子好好笑 :P 不過可看出瑞典人的親子關係好好)

有時走走下,碰到一些意想不到的事都挺不錯
雖然走得多都幾累

點都好,我會趁呢幾日盡量記下lund的風景,發掘/闖入一D平時無去過的地方 (今日我終於知道原來H&M對面個幢係threater !!)

皆因都唔知之後會不會再黎lund了...

又是離別的時候

Dick明天走了
昨天跟今天我都跟Dick, Stella在lund逛逛,影影相,在遊樂場做下D kai野,食瑞典菜,買買手信,聊聊天. HKU三人組又重聚了!
好像回到剛來到lund的時候. (而且我現在把單車還給stella,要行路,真是好像剛來的時候> <)

不同是隆冬已經過去,熾熱的夏天來臨 (熱到我要衝去H &M 買太陽眼鏡)
走路時,feel到的是熱浪,而不是寒風
而且我不能踩單車再不是因為我唔識踩 !!

原本以為自已不會傷感,始終我真是好掛著香港
但日久始終會生情
在lund都經歷了很多, 都成長了少少 :P


又一次體會到天下無不散之筵席
7月回來拎行李時,又是我最後走了...

什麼都是最後了

今天算是最後一天係Lund University上課

先有diversity of world lang的 presentation
同日本人一組真是很好,他們很快便弄好assignment,ppt
而且好好彩無人問我地問題,你知啦,外國人好喜歡問野ka ma = = (其實香港上中文tutorail都係,不過佢地係為左攞分)
我講左一分鐘多D就hea過了^^

之後上瑞典文課,我的瑞典文依然一舊雲甘 > <
但老師好好人,整左cheese cake(但無芝士味)同choco cake
仲帶左0.01% alcohol 的drink 黎:P

雖然好少人上課,但都好開心

現在,我要為我的sas h13 paper奮鬥
唉,佢令我想起yr 1 comp lit +黎活仁的course
就是唔知自已寫緊羊

救命,星期五交了!!

ps.係lib做做下paper 電腦無端靖hang機,打左成半頁紙的心血無左 !!
我幾時先可以脫離厄運 > <

回家時,一陣風吹來,頭髮亂了,不知覺用左手去撥頭髮

整件事看似很正常
但我是在踏單車 !!

我可以單手踩單車了!! 雖然只是幾秒 :P

好開心~~

報警記+N次CPH遊

一早起身,天空灰暗暗的,還下雨...真是不想起床
但今天計劃好的事情要今天做妥!!

所以最後都爬了起身,出門
第一件要做的事---去警署報失(唉,係香港都未試過去警署報案,黎到lund,真係醫院警署都去曬= =)
遇到一個西班牙女仔,佢係lund唔夠一個月,就被人搶野(注意係明目張膽係受害人面前搶,個人覺得可怕過偷)
一直以來都覺得lund的治安唔錯,睇來臨走前佢都要扣分
不過,都好慶幸之前夜麻麻一個人行番屋企時,都無羊可怕事發生,希望餘下的日子都平平安安

之後去我第N次CPH遊,用盡張被我改日子改了N次的around the sound ticket
好好彩原本一半藍天,一半灰天,最後都變了藍天
上到round tower可以清晰地看到CPH全景

原本打算借到單車,就踩單車繞CPH一周,但一來好難才找到那種免費單車,二來真係被我找到,我都上唔到車(even有個好心女士幫我校低個seat位,都唔係好OK)所以之後都係遊火車河,繞左一個大圈返lund算

返到lund都成晚上9點多,但個天都未黑
有點懷念日落天黑的景致

ps.今日狂搭火車,看到一些有趣畫面
由fredensborg搭森林小火車去helsingor時,見到火車阿叔,驚動到女司機都要出黎,請佢下車(但其實發生羊事?我唔識丹麥文,問隔鄰的婆婆,佢又唔識英文= =)

搭去CPH的火車,有一班奇裝異服的人在唱歌,最奇係有條裝修工人打扮的友,2邊patpat個位係褲度有勁大個窿@@

回來時,坐在我對面勁好身材的女士居然拎個直髮器出黎用(多得佢,我終於知插頭係邊),又搽指甲,真係當火車係化妝間

還有很多很多...如小女孩在火車亂蹦亂跳,2個朋友在火車中間重逄,行乞者等等

其實遊火車河都唔錯,坐在車上看風景看人,連腳骨力都省掉 :P