Amazing Iceland

冰島之旅---未知的旅程,華麗的冒險
14/06/09-30/06/09

冰島,Iceland,My Dreamland

雖然如此,但我其實是帶著一堆問號出發
開始時只是買了來回機票,有出發跟回程的日子,還要比人問洗唔洗去甘耐 = =

素未謀面的旅伴
未訂好的住宿
沒有計劃的行程
我就帶住10kg的backpack出發

我還要碰到未出發先興奮
臨飛前幾天Iceland Express sent email同我講班機取消了,要我轉搭當日中午班機 (那時我還在Stockholm旅行中)
我原本只打算晚上訓機場,現在唔係下午都要在機場流浪?! (我無book個晚hostel and 我知個刻book係唔會有位law = =)
好彩之後Iceland Express讓我轉搭第二日下午班機(即是我原本想搭個班,但一分鐘後價錢又貴左,搞到我無book)
甘仲好,我唔洗訓機場tim
真係賽翁失馬,焉知非福

16日未知之旅,真是十分hea 同刺激!!
有時一日的行程只是去尋找郵局跟超市,然後係好似飄零燕的閣樓hea,或是去睇大隻佬攞免費的熱狗吃 (終於明白冰島點解玻產, 甘多KPMG都救你唔到 XD)
有時join左d 唔知有羊活動的tours, 有d勁多coffee break, 有d又勁多photo-taking stops, 忽然又要snowmobile ?! (我無牌ka, 但d 人又好北歐,羊都唔check) 搞到我地俾仆街仔拋到腰酸骨痛
矇差差報左d 對於我地來講絕對唔止level 1的行山團,走過死亡之路 (雖然死在冰島也不錯,但等我50,60歲先好黎la) 不過第一次在露天浸浴,還要更衣,感覺好正,真係與大自然融為一體,與天地萬物合而為一
又要被海鳥追殺
我地仲成日計漏了要book幾多晚住宿,常常碰到訓街危機!

但因為這些,令我對冰島更加不能忘懷
她的白,你不能分清是山上的雪,天上的雲,還是地熱的煙
她的藍,你不知是藍天,還是藍湖
她的綠,可能是綠草,也可能是水中的倒影
她的太陽永不會落下,究竟是日落,還是日出? 還是根本沒有日落日出這回事,因為天從沒有完全黑過
她更會常常出現彩虹,甚至double rainbow !! 向彩虹許願不知會不會成真 :P
雖然她很多地方都很荒蕪,像沙漠,甚至不像地球應有的地方
但有一種紫花在這種環境下仍能生存著, 隨處可見, Lupine/Lupina, 就如冰島人一樣, 漂亮而堅強

不知為什麼,每次去冰的地方都下雨,但這不減她們的漂亮
冰湖就如大自然創造的冰雕,比ice hotel的更美,閃著藍光
在水中留下倩影,水上水下互相輝映
冰川雖然不如Abisko的白色世界吸引,但遠看她們,帶著幾百年,幾千年,甚至更久的冰,從山上延綿不絕的伸展下來,好莊觀
希望Global warming不要這麼嚴重 (我地係北極圈食雪條law !! 我勁後悔行冰川時穿了雪絨,真是熱死我了 > <)

冰島,I will be back !
下次來前,我要學識駕車,甚至電單車(我唔要坐仆街move your body架車!)
同埋最重要係有$$ (冰島破產,我都跟著破產= =)
還要有起碼一個月的假期
我要去看Hekla 火山(tour full左,沒有去lei, 不過都好,可能我一上去,佢就爆 XD)
去西邊Westfjord, 發掘未開發的地方
如果可以的話,我還想去埋Greenland和 Faroe Islands
會不會太貪心 ?
簡單點, 如果有輪迴,下世就讓我在冰島做隻hea羊吧 XD

最後,這次難忘之旅
好多謝有Cindy相伴,常常一齊夏眠, 教識我湯包都可以做茨汁 XD
雖然大家在冰島才第一次碰面,但都出奇地夾(好似Kinder出奇旦甘 :P)
希望你d相機平安無事
還有謝安琪,王馨平,唐韋琪...為我地提供了很多"冰島之歌"
很多叔叔,維京叔叔,酒店叔叔,荷蘭叔叔,亡命小巴司機叔叔...
好搞笑同好人的Michael哥哥,車我地去荒山野嶺巴士站
救了小女們兩命兼介紹了好食又算平的冰島菜餐廳給我們的tour guide, 你個日一定好辛苦 XD
仆街仔,唔知要我地"jump” 定酙酒的 "壞"仔, 同我地say hello 的"壞" 婆婆
Bonus豬仔錢罌, 1 liter Coke......
I will remember you all in my life.

ps.遺忘了好洗好用的洗碗機 :P 好想搬你地番香港!!