睇drama

昨晚去了看一場叫Eurepica的play,因為免費:P

雖然要行好遠,同埋都唔係好聽得明講D羊(我的英文自信心又再一次下跌...)好似係諷刺一D歐洲政府的politics (我更加無可能明= =) 好像諷刺瑞典過分講環保,同埋cool ?!

但我都覺得好好睇@@,成個show的製作都好認真, 演員又唱又跳,,14個plays都用不同的手法去表現,又踏單車(好羨慕), 掟西瓜,甚至玩火tim !! visual and audio effect 一流

而且編排好有心機,total 14 個plays 用搭飛機的旅程來包裝,

連未正式入場睇,個threater 已經佈置到俾你有一種搭飛機的感覺

票務處貼上check-in, 入場通道好似入機倉甘用鍚紙包曬,仲有埋個金屬探測器 !!

最勁係14個plays 只有約10個演員, 佢地應該大多數都係瑞典人, 但要講許多不同歐洲國家的語言, 雖然我都唔識聽,但我想佢地都係正確發音的,絕對下了苦功去練.

歐洲的表演尺度果然不同香港,許多幕演員都要除剩內衣褲,甚至有呻吟等sexual elements !!

睇了約3小時表演後,決定走一條未行過的新路回家,夜麻麻,成條街都無人,只係靠睇指向klostergarden 的路牌走,好彩最後都無走錯路,順利回家,慳了半小時要行去火車站的時間.

發覺來到瑞典後,成日都好似玩練大膽的遊戲,但之前係香港去camp玩,雖然唔俾帶手提(但我都會靜雞雞袋著),但都知道附近總有人睇著,唔會出事.可惜來到瑞典,真係得自已一個夜麻麻行,有時真係好驚死左都無人知,但中國都有句諺語叫"馬死落地行",想安全/心D,只好手提不離身,袋入面永遠袋定D小食同水.

Scarlett 之前係skype 笑我ge target/ standard係"唔死得”, 認真講,我真係好想平安返黎香港!!唔係話瑞典多壞人危險, 係我覺得係瑞典,最危險係死左都無人知/理 !!