the trip to the north (narvik,abisko,kiruna,uppsala,stockholm)

14/2-21/2

Trip to the north, try to be strong ! 係我這次trip 自已 set 俾自已的slogan, 雖然番來後都病了,physical not strong = = (不過D 病開始自癒?? 瘀左個D地方都自動消散), 但我覺得自已psychological strong 左. 死唔去的我仲打算再次挑戰學踏單車! (但要搵到架雙腳掂到地的單車先)


先補記番出trip b4的 feeling:
終於第一次出遠門,離開Lund,展開一次long trip

一切都決定得很匆忙,2月14日出發,但我2月5日才上網買車票,而且還不知走什麼倒楣運,那天早上上網斷斷下,(就只是那天有問題><)就近的圖書館星期四又關門,最後要到venus家中上網訂,但倒楣事永遠都是接二連三,我帶去的credit card不能online pay,我只好用9秒9 的速度跑回去,拿第二張credit card來,但之後我輸入我的生日日期,唔知點解,個網自動幫我轉成1988/8/8 !! 試了勁多次,都是這樣,好無奈= =,打hotline問,又是瑞典文,我只好博一博,照click continue. (雖然之後send email問話OK,同埋火車staff都唔會check passport, 但都令我擔心了幾日...)

但之後問題又出現在回程上,我自已打算一個人留在kiruna多一日,搭飛機去stockholm,玩多一兩日才回來,但原來不論kiruna 或stockholm的機場都不近市中心,kiruna在冬天更加無bus 由市中心去機場(北歐人在冬天簡直處於冬眠狀態 = =) 打的一個人要350 kr, 仲貴過我張機票 !! 後來被我在一位網友casy的blog 找到ice hotel 有transfer 去機場,雖然都要120 kr, 但都好過350 kr (但車程只有15分鐘, 北歐的交通費簡直搶$$) 我send email 去問ice hotel, 但佢個staff 竟然話唔係ice hotel訓, 就唔搭得!! 甘難得俾我搵到去kiruna 機場的方法(apart from taxi),我當然唔會甘易放棄,我在google search 到條link, 可以自已上網碌卡買,而佢係唔會check我係米係ice hotel訓 !! 甘我米自已上網碌卡買,但好笑地我後來打電話去ice hotel,個staff竟然話要我cancel ! 我又當然無理到佢,email個條友都話有invoice no就OK. 不過終於有件令我覺得好彩的事發生,因為網上book bus transfer 會係7日前cut, 即係無得book, 我剛剛係7日前搵到條link, 並book 左 :P

雖然計番來回機場去中心的錢,其實同火車差唔多,(個時有D覺得點解唔同stella 佢地一齊搭火車走,要自已一個煩甘多野)不過之後看到在北極圈上空回望地面的風景,真係好唔同火車,好正 !!(而且唔洗搭10幾個鐘火車again, but 最後都要搭10小時巴士返Lund)

煩完交通,要煩住宿,在這裏,我要多謝uppsala 的olivia,kimberly,philip 同stockholm 的winnie and florance, 因為他們,我有3 晚好覺訓, 仲有野食 !! 雖然大家之前未見過,只係透過網上溝通, 但大家都對我好好, florance 甚至借了她的pass 俾我, 佢地對我的信任真係令我好感動 !! 真係感覺到人在異鄉,遇到鄉里,份外親切 XD ps.好羨慕佢地幾個hku可以住得甘近,日日一齊煮飯食 ><

所以雖然今次看不見極光,甚至番黎之後仲要病左tim > < 雙腳又瘀左 (北面的地面成日結冰,搞到我好似溜冰甘,係kiruna跌了一次, 仲要自已一個揹著個大背囊蕩失路去找hostel > < ,好似拉傷了左腳大脾條神經線,差點走不動,但好彩地第二天起身又無事,之後係uppsala 又跌了兩次==)但總算試過一個人在歐洲遊蕩(甚至係零下20幾度),都唔死得 :P 雖然都係唔識睇地圖,迷路many times,差點趕唔切巴士,又要自已plan行程budget...但都算係難忘的經歷.d 雪山,冰湖都好靚,而且都要多謝上天保佑,我去玩8天,係最後一天係stockholm走,先下大風雪,係北極圈個幾日都好好天氣! 好神奇,一直以為自已會鍾意stockholm呢D大城市,但當我去到時,看到地鐵站人來人往,有D人甚至係跑,車廂,街道勁多人,我竟然有D頭暈,唔通我真係留係lund呢D鄉鎮悶左太耐,唔慣D大城市生活...

經過呢個trip,我對瑞典人的看法都無改變,雖然都有遇過好人,例如point north hostel的主人主動走出門口叫停我,最難忘係有個男人打電話問朋友幫我問路,但佢地都係唔知(瑞典人可能都唔係幾識睇地圖,佢地都好似唔知自已住邊甘,有D甚至點錯路= =)倣人都係要靠自已.而且係kiruna station,有一班老婆婆拎住D行李上車,有個瑞典後生仔站在旁邊,都袖手旁觀,直至一個後生靚女出現,就立刻幫手= =我老左退休都唔會黎瑞典!係stockholm ge central station月台甚至見到有個人隨地吐痰.都係個句,正常瑞典人應該唔係衰人,但都唔會主動地好人,城市人甚至與香港人無異,好似我跌了幾次,都係自已企番身

而這次trip 出乎意料增加了我對Lund 的歸屬感,當21日晚回到klostergarden, 我竟然有回到家的感覺! 雖然直到呢一刻,我都唔可以話我好鍾意Lund, 但我開始接受一個現實---無論如何,我都要在這裏生活到6月, 呢段時間Lund 就是我家,在旅行的地方,我只是過客.所以回來後,我開始打掃間房,買勁多野食儲糧,行街買野shopping令自已開心(而且我係lund 出發第一天未上火車已經唔見左左手綠色手套,點都要買番對><),開始走唔同的路去了解我要生活的城市.....甚至妙想天開想學踏單車.我好想融入呢度的生活! 半年的exchange 不同一星期或短期的旅行,我唔可以儲曬D dirty衫,番屋企等阿媽洗,我要自已一個搬d臭衫落basement自已搞掂.我唔可以食少一餐半餐,等回到香港後先食阿媽煮既,我個胃捱唔到半年. even 病左, 我都唔可以等番hku 睇clinic,要自已搵藥加煲粥俾自已食. 我呢半年只可以靠自已!