never say never !!!

2009年3月10日對我黎講好重要!!

我第3次挑戰踩單車終於有少少成果了,我可以自已上車同踩到一少段直路(雖然都有少少蛇行:P)

當然同lund d 勁人比,我還有勁大段的距離 (我仲諗緊我踩唔踩出馬路,好驚被車撞><)

係度,我要好多謝stella,上星期六陪我練了成半天,所以我一上到車同踩到D,就即刻打俾佢,好開心ar!!!!

可能係exchange呢段期間我的英文,瑞典文都唔會點improve,但最少都學到一技之長---踩單車

好想番黎同大家一齊係吐露港狂奔!

襯我依家仲記得少少學單車的感覺,就寫下來讓未學識的人參考(因為踩耐左,D人就話唔記得當初點學識?!)

雖然我都試過有人係後面推,甚至被人包實來傍住,但對於我來說,係唔得!(我都唔知點解人人都用呢種方法學識,但我唔得 = =)

我後來自已搵條少少斜的斜路,慢慢滑下來,試下雙腳離地,感覺下平衡&控制方向,然後再試下踩腳踏上車

而上車個0下,我覺得要踩中腳踏係好重要(我依定都唔係一踩就中),然後就大力狂踩,keep住架車move, even有時踩nut,都要keep住架車move再踩上番腳踏度,甘就可以踩好耐

條腰直d同手放鬆D應該有助控制方向(雖然我都不是好做到,一來緊張,二來我本身有少少寒背)

最後係搵個清靜的地方自已練,每日練少少,總有一日得ge (我都係第3日先上到車:P)

瑞典人雖然有時都會用D奇怪的眼光,甚至同我講一兩句瑞典文(我都講左i don't understand swedish = = 不過都好,even佢地可能笑緊我,我都唔明:P )但大致上都唔會多管閒事(佢地甘cool),相比我第一次係沙田學,勁多人望,又有個阿伯係度嘈住曬,感覺係klostergarden 學 relax d,人少D,空氣又好D

大家保佑我可以踩好D la~~同埋唔好成日擁抱大自然,如樹,石頭,燈柱(都係大自然?!),+ 踩落草地,我要直線ar > <